The news

Pechando a fenda de datos de xénero na pesca a pequena escala

Un novo artigo coasinado por Elena Ojea pon o foco nun dos temas máis esquecidos na gobernanza na pesca mundial: a fenda de datos de xénero

07/10/2025 -

A pesar de que as mulleres representan preto do 45% das persoas que participan na pesca artesanal en todo o mundo, os seus roles e contribucións seguen a ser invisibles nas estatísticas nacionais e internacionais. Esta invisibilidade non só é unha cuestión de xustiza, senón que tamén limita a nosa comprensión sobre como funcionan as pesqueirías, como sosteñen os medios de vida e como interactúan cos ecosistemas mariños. 

O artigo analiza como as normas culturais e os sistemas de datos obsoletos continúan moldeando unha visión incompleta da pesca a pequena escala, reforzando a idea de que a pesca é principalmente unha actividade masculina. Como consecuencia, as políticas, programas e ferramentas de xestión deseñanse con información parcial, pasando por alto a complexidade do sector e o papel esencial que desempeñan as mulleres. 

Para facer fronte a esta situación, as autoras propoñen un sistema de datos inclusivo con perspectiva de xénero para a pesca a pequena escala, baseado en principios de datos feministas e deseñado para superar os prexuízos estruturais. A súa proposta inclúe: 

  • Unha lista de indicadores clave para unha recollida de datos máis completa e inclusiva. 
  • Orientacións sobre fontes de datos e organismos responsables da implementación do sistema. 
  • Un conxunto de recomendacións para a colaboración entre institucións na pesca, oficinas estatísticas e ministerios de igualdade ou desenvolvemento social. 

O estudo tamén identifica accións prioritarias para ao futuro: 

  1. Reforzar o argumento político a favor da recollida de datos desagregados por xénero na pesca. 
  1. Fortalecer a capacidade das institucións nacionais para incorporar dimensións sociais e de xénero nos seus sistemas de datos. 
  1. Promover a colaboración entre sectores e disciplinas para integrar as perspectivas ecolóxicas e sociais. 
  1. Garantir un financiamento estable e a longo prazo para a recollida e seguimento de datos inclusivos. 

Ao abordar os sesgos de xénero nos datos pesqueiros, este traballo ofrece un camiño cara unha xestión máis xusta, eficaz e sostible da pesca artesanal, onde a contribución de cada persoa, con independencia do seu xénero, sexa visible e recoñecida. 

📄 Le o artigo completo:
“A gender-inclusive data system for small-scale fisheries”, publicado en Ambio (2025).

https://link.springer.com/article/10.1007/s13280-025-02250-5 

Para ver máis novas, preme aquí
CATEGORÍAS: Research