Interesado en realizar un doutoramento sobre os riscos socioecolóxicos mariños da acidificación dos océanos? Envíanos a túa carta de interese e permanece atento

O Grupo de Oceanografía Biolóxica (GOB) do Centro de Investigación Mariña (CIM) da Universidade de Vigo lanzará unha praza de estudante de doutoramento conxunta con Future Oceans Lab (FOL) o próximo mes de setembro.

Nestes momentos, estamos a aceptar mostras de interese de futuros estudantes, que poden compartir unha carta de motivación e un CV seguindo as indicacións deste PDF. O candidato seleccionado matricularase no programa de doutoramento Do Mar do Campus do Mar e será co-supervisado polas Dras. Cristina Sobrino e Elena Ojea (Universidade de Vigo), comezando no outono de 2023. A investigación versará sobre os riscos socio-ecolóxicos mariños da acidificación oceánica, e será altamente multidisciplinar, con compoñentes ecolóxicos, e sociais.

Os candidatos interesados en realizar un doutoramento no tema, e con grandes habilidades técnicas, lingüísticas, e de traballo en equipo poden enviar as súas cartas de interese co resto de materiais seguindo as indicacións neste PDF, a futureoceanslab@uvigo.es ata o 10 de setembro de 2023 ás 20:00h (CET).

Esperamos ler as vosas cartas de intención!