FOL participou no ECCWO que se celebrou en Bergen, Noruega

O quinto simposio da ECCWO celebrouse do 17 ao 21 de abril de 2023 en Bergen, Noruega, co obxectivo de comprender mellor os efectos do clima nos ecosistemas oceánicos e como poderían ser as medidas de adaptación e mitigación. O simposio foi organizado conxuntamente polo Consello Internacional para a Exploración do Mar (ICES), a Organización de Ciencias Mariñas do Pacífico Norte (PICES), a Comisión Oceanográfica Intergobernamental (COI) da UNESCO e a Organización das Nacións Unidas para a Agricultura e a Alimentación (FAO).

Elena, investigadora principal de FOL, presentou o seu traballo sobre as adaptacións da pesca artesanal galega de pequenos peláxicos a hipotéticos escenarios futuros de cambio climático. Estes resultados foron unha continuación dos obtidos polo antigo estudante de doutoramento de FOL e agora investigador postdoutoral Diego Salgueiro. Xochitl Elías, estudante de doutoramento de FOL, presentou o seu segundo capítulo de tese baseado no traballo de campo que realizou en agosto-novembro de 2021 no hotspot do cambio climático, Nayarit, México. Nel analiza os factores que inflúen na decisión dos pescadores para adoptar respostas transformadoras baixo escenarios de diminución crecente de capturas. Na súa presentación oral, mostrou como o capital social e o sistema de xestión poden afectar en gran medida á decisión dos pescadores de buscar un novo medio de vida principal e/o abandonar por completo a pesca artesanal.

A conferencia foi unha gran oportunidade para que os membros de FOL debatesen os resultados preliminares con expertos sobre o terreo de todo o mundo e establecesen novas colaboracións que poidan axudar a axuntar novos enfoques innovadores ante os novos e incertos retos que supón o cambio climático.