Día Internacional da Muller e a Nena na Ciencia

O 11 de febrero é o día elixido polas Nacións Unidas para recoñecer o papel fundamental que desempeñan as mulleres e as nenas na ciencia e tecnoloxía, así como para animalas a seguir unha carreira científica. Con esta iniciativa en mente, Julia visitou esta semana a escola de infantil e primaria A Lomba (Vilagarcía de Arousa) para falar da súa experiencia científica aos científicos máis novos do mañá, nenos de 7-8 anos moi entusiastas e comprometidos coa conservación mariña e a pesca. Tras unha breve presentación para introducir os conceptos de cambio climático, as súas repercusións e algúns exemplos de adaptación, Julia desenvolveu un xogo cos nenos para ilustrar como o cambio climático está a afectar aos recursos mariños facéndoos máis vulnerables nun ecosistema cambiante, e que podemos facer respecto diso avaliando as características do sector pesqueiro que o fan máis resiliente (por exemplo, diversidade de recursos, coñecementos ambientais, boa gobernanza de calidade, etc.). Os nenos desfrutaron xogando co xogo de cartas deseñado polo noso equipo mentres aprendían sobre a vulnerabilidade climática.

Esta ocasión foi unha gran oportunidade para compartir coñecementos científicos sobre a adaptación ao cambio climático, e esperamos axudar a dar máis visibilidade á importante contribución das mulleres na ciencia. Para FOL é un verdadeiro pracer participar neste evento para inspirar ás nenas, xa que o noso grupo de investigación está liderado por Elena Ojea, a primeira muller galega en conseguir unha ERC-Starting grant.

Dende aquí queremos agradecer á UCC, ao departamento de comunicación do CIM da Uvigo, e en especial ao CEIP A Lomba por convidarnos e deixarnos participar para animar aos nenos para ser científicos. Un agradecemento especial ao impresionante público pola súa gran aceptación, participación e o seu alto interese ambiental.