FOL presenta o seu libro de divulgación científica “Goiz bat Tuni Ontzin” nun Congreso de Literatura

A semana pasada, do 20 ao 22 de outubro celebrouse de maneira virtual o 1er Congreso Internacional de Literatura Infantil e Xuvenil organizado pola Universidade do País Vasco. O congreso pretende crear un foro de discusión sobre a combinación da Literatura Infantil e Xuvenil e os Obxectivos de Desenvolvemento Sostible (ODS). Integrouse a Literatura Infantil e Xuvenil cos ODs porque a educación é unha das mellores vías para conseguir cambios significativos nas nosas actitudes e costumes, e a infancia é a mellor idade para crear conciencia sobre os ODS e as súas consecuencias.

O libro de divulgación científica titulado «Goiz Bat Tuni Ontzin» foi presentado no congresos polas súas autoras, a investigadora de FOL, Iratxe Rubio e Amelia Benito del Valle (Facultade de Educación de Bilbao, UPV/EHU). É un traballo literario que aborda o ODS 13 «Acción Climática» e o ODS14 «Vida mariña». O libro foi descrito como unha proposta didáctica e unha ferramenta efectiva para entender o contexto social no que ten lugar. O seu contido literario é un vehículo estético e ideolóxico para transmitir os conceptos de pesca sostible e quecemento global aos pequenos lectores da educación primaria. É necesario acercar os resultados científicos a infancia para que os entendan e para iso, nada mellor que facelo a través dunha historia.