FOL publica un novo estudo sobre as respostas preferentes dos patróns ao diminuír as capturas

Un novo estudo de FOL e BC3 busca comprender as respostas de adaptación e transformación individuais ás perdas nas capturas nas pesqueiras a gran escala, utilizando o caso da pesqueira de atún tropical español. Enquisouse unha mostra do 22% dos patróns españois de cerqueiros conxeladores que operan nos océanos Atlántico, Índico e Pacífico. Nos últimos 10 anos, máis da metade dos patróns empregaron novas tecnoloxías para buscar atúns e expandiron a súa zona de pesca como accións de adaptación. A maioría dos patróns seguirían estratexias de adaptación ata unha hipotética diminución do 30% das capturas. Non obstante, cando se enfrontan a descensos maiores, as estratexias diverxen e algúns patróns seguen adaptándose mentres outros se transforman ou saen da pesqueira. As características do patrón, como a importancia dada ao coñecemento interxeracional, as percepcións sobre o cambio na abundancia de atún tropical e os anos traballados na ocupación actual, poden explicar as opcións de adaptación e transformación. Estes descubrimentos axudan a comprender o potencial para o comportamento de adaptación dos patróns implicados nas pesqueiras que afrontan o descenso das capturas.

Este traballo desenvolveuse baixo a supervisión da investigadora principal de FOL, a doutora Elena Ojea e grazas a colaboración do doutor Alistair J. Hobday do CSIRO Oceans and Atmosphere e do Center for Marine Socioecology (Universidade de Tasmania). Publicouse por primeira vez online o 6 de maio de 2021 no ICES Journal of Marine Science e titulouse “Skippers’ preferred adaptation and transformation responses to catch declines in a large-scale tuna”.

Para ler a versión orixinal do artigo fai clic aquí .