FOL no Basque Center for Climate Change (BC3)

O pasado novembro, Elena Ojea visitou o Centro Vasco para o Cambio Climático (BC3) , onde a estudante de doutoramento FOL Iratxe está a desenvolver o seu traballo actualmente. O BC3 é un centro de investigación que produce coñecemento multidisciplinar sobre as causas e consecuencias do cambio climático, relevante para a toma de decisións cara ao desenvolvemento sostible a nivel internacional. Este ano, 2018, o centro celebra o seu décimo aniversario.

Elena foi a BC3 co obxectivo de traballar con Iratxe para planificar os seus próximos obxectivos de doutoramento sobre adaptación ao cambio climático nunha pesqueira industrial, como parte do proxecto ERC CLOCK. Para o seu primeiro obxectivo de doutoramento, Iratxe abordou os impactos do cambio climático sobre as pesqueiras de cerco dirixidas aos atúns tropicais no océano Atlántico. Despois diso, prepara un enfoque de consulta para estudar a adaptación ao cambio climático nesa pesqueira de cerco industrial. Vai entrevistar aos grupos de interese para comprender todas as dimensións e interaccións socio-ecolóxicas do estudo de caso, seguindo o enfoque SES de Ostrom e as recentes teorías da rede.