O vindeiro mércores, 20 de xuño, ás 13:00 horas, José Luis Santiago presentará o seu último traballo publicado na revista Fisheries Research no Interdisciplinary Fisheries Seminar Series (IFS). IFS é o ciclo de seminarios da Universidade de Vigo presentado por Campus do Mar e ECOBAS.

No seu seminario titulado “Un método aplicado para avaliar os impactos socioeconómicos da xestión baseada nas cotas pesqueiras europeas ” José Luis tratará como cuantificaron os impactos socioeconómicos vinculados á determinación das cotas anuais de pesca para os principais segmentos de frota xestionados pola Unión Europea. Tamén explicará como isto se aplica á análise da actividade pesqueira en Galicia, algo no que leva traballando desde o seu traballo de doutoramento co profe Juan Surís.

O anuncio completo do seminario e o resumo da charla pódense atopar aquí .

Agardamos unha inspiradora charla e debate na sala de seminarios B da Facultade de Ciencias Económicas da Universidade de Vigo .