FOL estará no maior evento científico en liña con escolas

A doutora Alba Aguión foi seleccionada como unha das 30 investigadoras de España que participarán no próximo evento de «Eu son un científico, sácame de aquí». O evento, orixinado no Reino Unido pero que se estendeu rapidamente por diferentes países, ten como obxectivo vincular os estudantes das escolas cos científicos. A través desta conexión, os estudantes non só poden falar e preguntar todo o que queiran ás investigacións, senón que poden votar polos seus favoritos. Os científicos máis votados gañan un premio de 500 euros para organizar eventos de divulgación para seguir espallando a súa ciencia ao mundo.

Alba participará do 6 ao 17 de novembro na Zona Magnesio. No seu perfil responderá a preguntas de estudantes de entre 13 e 14 anos, ademais de manter conversas en liña con eles. Entre os 30 investigadores que participarán na próxima edición do concurso, está previsto que se poñan en contacto 151 clases de 103 escolas españolas. Dende aquí queremos agradecer aos organizadores a Obra social La Caixa e FECYT a nosa participación nun evento tan emocionante.