A nosa investigadora visitante Eréndira Aceves Bueno impartirá mañá un seminario no campus do Mar sobre o seu recente traballo de doutoramento. Ere defendeu recentemente a súa investigación de doutoramento en xestión espacial mariña de recursos bentónicos, con aplicacións en TURF chilenos. Presentará o seu traballo mañá 1 de agosto no Edificio Miralles, Universidade de Vigo ás 11.00 horas. Espero que veñades todos a aprender e discutir sobre as solucións actuais de xestión de recursos mariños sostibles.