Alba vai a Casaquistán a falar de ciencia

A estudante de doutoramento Alba Aguión, membro do Future Oceans Lab , foi convidada a participar no evento Science Stars en Casaquistán, un proxecto que ten como obxectivo popularizar o estudo da ciencia explicando conceptos científicos dun xeito entretido para o público en xeral.

Science Stars terá lugar na Universidade Nazarbayev de Astana o 27 de xuño, como parte da EXPO 2017 que se está a celebrar durante este verán no país. Durante o evento, Alba e outros 8 científicos de diferentes países amosarán as súas habilidades de comunicación científica e pronunciarán discursos relacionados con diferentes temas científicos. Dende aquí, queremos agradecer ao British Council en Casaquistán a súa invitación. Estamos ansiosos por fomentar a paixón pola ciencia no país.